Bunga Anggrek

                  Sawitri demen ngubuh anggrek. Di umahne liu ada entik kayu. Makejang punyan kayune misi anggrek. Wadah anggreke malakar aji akah paku. Gobane marepat tur mawarna selem. Akah pakune suba tuh. Ento ane pacekanga di punyan kayune. Mara isinina entik anggrek.

            Sabilang semengan, anggreke masiam aji yeh anyar. Di kenkene isinina rabuk. Mawinan anggreke makejang idup. Punyanne gede sawireh subur. Don anggreke satata begeh. Akahne liu makilit di akah pakune. Jani anggreke suba mabunga. Gobanne magenepan. Warnanne mae(ndahan. Makejang melah tingalin. Anggrek nyingnyinge cenik-cenik. Mawarna putih kedas. Anggrek macane gede-gede. Mawarna rakrik.

Saget ada dagang anggrek teka. Ia nagih meli bunga anggreke. Makejang tagih belina aji mael. Dagange liu ngaba pipis. Nanging Sawitri tusing ngadep. Sawireh ia sayang teken bunga anggrekne.